Axtarış

Ünvan

Aktual

Ənənəvi müttəfiqlər Rusiya və İran arasında münasibətlərin pisləşməsi prosesi səngimir. Xüsusən Rusiyanın BMT-nin İrana embarqo tətbiq edən 9 İyun 2010 tarixli son qərarını dəstəkləməsindən sonra vəziyyət daha da kəskinləşib. Son dövrlərdə bu kəskinləşmənin ən bariz nümunəsi Rusiya və İranın bir-biri əleyhinə verdikləri bəyanatlardır. Iranın Rusiya əleydarı növbəti bəyanatlarından biri isə president Mahmud Əhmaədinicat tərəfindən  24 iyulda səslənib. İran prezidenti Rusiyalı həmkarı Dmitri Medvedevi Rus diplomatların qarşısındakı çıxışını sərt təngi edib. O, “Rus və İran xalqlarının dost olduğunu və rəsmi Tehranın bunu davam etdirməkdə maraqlı olduğunu” qeyd etdikdən sonra, “Medvedevin çıxışının İran əleyhinə Amerikan təbliğatı oyununu başlatdığını” açıqlayıb. Xatırladaq ki, Medvedev 12 İyulda Rusiya diplomatları qarşısındakı çıxışında Qərbdə gündəmə gələn “İran iki il içərisində nüvə silahına malik olacaq” xəbərini təsdiqləyən açıqlamalar vermişdi. Əhmədinejat bəyanatında “bu fikrin yetərsiz informasiya vəya səhv analizə əsaslandığını və Rusiyanın maraqlarına xidmət etmədiyini” bildirib. O, “Rusiya prezidentin Amerikan teatrında oyuncu olmasının sual doğurduğunu” qeyd edib.

İran prezidentin bu açıqlamalarına Rusiya da qarşı reaksiya verib. Rusiya Xarici İşlər Nazirliyi verdiyi açıqlamada “İran prezidentinin açıqlamalarının qəti şəkildə qəbul edilməz olduğunu” bildirib. Rusiyanın İran məsələsində obyektiv mövqeyini vurğulayan nazirliyin rəsmisi “İran rəhbərliyinə faydasız və məsuliyyətsiz ritorikadan vaz keçərək  “Altılar” qrubu ilə konstuktiv əməkdaşlığa başlamasını” məsləhət görüb. Rusiya rəsmisi Türkiyə və İranın İran probleminə dair cəhdlərini də müsbət qarşıladıqlarını  qeyd edib.  Proseslərin gedişatı Rusiya və İran arasında bu narazılğının yaxın müddətdə aradan qalxmayacağını göstərir.